Жасмина Камилжанова – Назарбаев Университетінің медицина факультетінің грант иегері.
✴️Сайрам ауданында биылғы түлектер жоғары оқу орындарына түсіп, қуанышты жетістіктерге жетуде.
✴️Солардың бірі — Көлкент ауылдық округіндегі №26 М.Қашқари атындағы жалпы білім беретін мектептің 2024-2025 оқу жылының түлегі Камилжанова Жасмина Уткиржановна. Ол Назарбаев Университетінің медицина факультетіне мемлекеттік грант жеңіп алды.
✴️Ж.Камилжанова Ақсукент ауылында 2009 жылы 12 мамырда дүниеге келген. 5 жасында мектеп табалдырығын аттап, 2-сыныптан бастап ағылшын тіліне ерекше қызығушылық танытып, бұл тілді жетік меңгерген. Оның бала арманы – Америкаға бару, осы мақсат оған білімге деген құштарлық пен табандылықты дарытты.
✴️Әкесі – Абдазимов Уткиржан Камилжанович – дәрігер, анасы – Абуллаева Дилноза Сайдикаримовна – қазақ тілі мен әдебиеті пәнінің мұғалімі. Жасмина – отбасының тұңғышы, сіңлісі де осы мектепте білім алуда.
✴️Жасмина – мектеп мақтанышы. Республикалық және халықаралық деңгейдегі білім сайыстарында үздік нәтиже көрсетіп келеді:
2022 жылы «Айқанат» республикалық олимпиадасының қатысушысы;
2023 жылы «Алтын түлек» олимпиадасының математика пәні бойынша республикалық кезеңінің жеңімпазы;
2024 жылы IELTS: 8.0 ұпай, SAT: 1440 ұпай, AP (математика): 4 ұпай;
Биыл ҰБТ-ны ағылшын тілінде тапсырып, 1-кезеңнен 99, 2-кезеңнен 104 балл жинады.
«Алтын белгі» иегері атануға үміткер. ✴️Сонымен қатар, Түркия университеттеріне әңгімелесу кезеңіне шақырту алған.
✴️Бұл – табандылықтың, еңбектің және ұстаздар мен ата-ананың қолдауының, сондай-ақ дарынды жасты жетелеуде үлкен үлес қосқан мектеп ұжымының бірлескен еңбегінің жемісі.
✴️Дарынды түлекке жарқын болашақ, таңдаған жолында сәттілік тілейміз. Ел үмітін ақтайтын білімді де білікті маман болуына сенім артамыз!
Меруерт Шонтукова.
