Түркістан облысы қоғамдық даму басқармасының тапсырысы бойынша «Шаңырақ» жастар мен жас отбасыларды қолдау орталығы» қоғамдық бірлестігі ұйымдастыруымен «Жалпы ұлттық құндылықтар — ел дамуы» жобасы аясында Сайрам ауданы,Ақсукентте аймақтық дөңгелек үстелі өтті. Дөңгелек үстелге Түркістан облысының Қазығұрт, Төлеби, Сайрам,Түлкібас аудандарынан жастар, жас мұғалімдер, тарихшы, этнограф, әлеуметтік желі белсенділері, аудандық қоғамдық ұйым мүшелері, аналар кеңесі, әжелер алқасы өкілдерінен 200 адам қатысты.
Дөңгелек үстелдің мақсаты-облыс аумағында ұлтымыздың құндылығы болып саналатын тіліміз, дініміз, дәстүріміз, ұлттық рухымызды көтере алатын қазақи қасиеттерімізді сала мамандары арқылы идеологиямен жұмыс жасайтын мамандарға үйретіп, пікір айтып, тәжірибе алмасу. Ұлттық құндылықтарды насихаттау. Қазақ халқының салт-дәстүрі мен әдет-ғұрпын, ұлттық брендін ұқыптылықпен қарау, қағидаттарын қалыптастыру, облыс тұрғындардың бірлігі мен ынтымағы, жастардың білімі мен тәртібі, мәдениеттің дамуына жоба арқылы үлес қосу, жастарға туған жерге жанашырлықпен қарауға, патриотизм мен әлеуметтік жауапкершіліктің үлгісін көрсетуге, ел экономикасын дамытуға үлес қосуға шақыру, ұлттық құндылықтар мен мәдени нысандарды дәріптеу, отандық суретшілердің шығармашылығын қолдау және қоғамдағы патриоттық рух пен ұлттық бірегейлікті қалыптастыру.
ЖАЛПЫҰЛТТЫҚ ҚҰНДЫЛЫҚТАР-ЕЛ ДАМУЫ
