ЖЕРЛЕСТЕРІМІЗ РЕСПУБЛИКАДА ЕЛЕНДІ

Сайрам ауданы Қарасу ауылдық округіне қарасты «МК-Аяулым» ЖШС-і бөбекжай-бақшасында
«Балабақша — мерейім мекені» тақырыбында құзыреттілік орталықтары, мобильді топтар, консультациялық пункттердің республикалық семинары өтті.
Оған Қазақстан Республикасы Оқу-ағарту министрлігі Балаларды ерте дамыту институтының мамандары, өңірлік білім басқармаларының мектепке дейінгі білім беруге жауапты мамандары, облыстық, қалалық әдістемелік орталықтар мен кабинеттердің әдіскерлері, балабақша меңгерушілері, әдіскерлері мен тәрбиешілері қатысты.
Семинардың ашылуында ән мен тәттілер шашылып, көпшілікке көтеріңкі көңіл-күй сыйлады. Алғашқы сөз кезегінде Қазақстан Республикасы Оқу-ағарту министрлігі «Балаларды ерте дамыту институты» ақпараттандыру және қоғаммен байланыс департаментінің аға сарапшысы Томпайқызы Үміт ауылдардағы мектепке дейінгі мекемелердің жұмыстарын жүйелендірудің қажеттілігін түсіндірді.
Түркістан облысы білім басқармасына қарасты білім беруді дамыту орталығының әдіскері Рысқұлбекова Гүлнұр Тынысбекқызы «Балабақшада баланы ойын арқылы ой-өрісін дамыту» тақырыбында сөз сөйледі. Балалардың физикалық дамуына оң әсерін тигізетін ойын түрлерін жеткізді.
Бағдарлама аясында аталған бөбекжай-бақшасының тәрбиешілері ұлттық құндылықтарға негізделген жұмыстарға тоқталды.
Педагогтер бас қосқан ортада аталған бөбекжай-бақшасының бірқатар тәрбиешілері сабақта тиімді әдіс-тәсілдерді қолдана отырып, балаларға сапалы білімді саналы тәрбие беру жолдарын көрсетті.
Атап айтқанда,
☑️А.Байрамова «По страницам детских книжек»;
☑️А.Шойбекова «Қонағы көп үйдің, қазаны құр тұрмайды»;
☑️Г.Бекбердиева «Отбасы — бақыт ұясы»;
☑️К.Тасполатова «Отбасылық тарту»;
☑️Б.Ибраимова «Салт-дәстүр-асыл мұра»;
☑️А.Капакова «Балабақшадағы ұлттық тәрбие: ата салт дәстүрін ардақтайық».
☑️Мұнан кейін семинарға келушілер А.Турсунбаева «Кел, тыңдайық, ертегі» мобильді кітапхананы пайдалану арқылы ертегіні тамашалады. Бүлдіршіндер «Мақта қыз» ертегінің кейіпкерлерін ойнап, көрінісін қойды.
☑️МДҰ-ның дене шынықтыру нұсқаушысы Л.Бегзатова балалар мен әкелеріне арналған «Алаңдағы бестемше» ойынын ұйымдастырды.
☑️Осы бөбекжайдың логопеді Ж.Тастемирова және №2 МКҚК-і «Сайрам» бөбекжай бақшасының логопеді Р.Бастыкова «Ерекше білім беруді қажет ететін балалармен жұмыс» тәжірибелерімен бөлісті.
☑️Шарада Сайрам аудандық білім бөлімінің әдіскері Қ.Сарманова «Мектепке дейінгі ұйымда білім сапасын арттыру жағдайында әдістемелік жұмыстарды ұйымдастыру» тақырыбында баяндады.
Келесі кезекте мектепке дейінгі ұйымның әдіскері Р.Капакова «STEAM+ ұлттық тәрбие» жөнінде шебер-сыныбын жүргізді.
Семинар барысында «Шаттық» МКҚК-і бөбекжай-бақшасының әдіскері А.Кенжебекова, №93 Абылайхан атындағы жалпы білім беретін мектебінің тәрбиешісі Х.Таштемирова, «Бөбек» МКҚК-і бөбекжай-бақшасының әдіскері М.Сапарова, «Рахатой ана» ЖМ бөбекжай-бақшасының әдіскері М.Наримова, «Арай» МКҚК-і бөбекжай-бақшасының әдіскері
М.Калдарова тарапынан «Мобильді топ жұмысын тиімді үйлестіру жолдары» тақырыбында тәжірибелері таратылды.
Мұнан соң «Шапағат» МКҚК-і бөбекжай-бақшасының меңгерушісі Ж.Татишбаева «Ұлттық құндылық тәрбие негізі», №2 «Сайрам» МКҚК бөбекжай-бақшасының меңгерушісі Қ.Наукенова «Үйлесімді дамытуда заттық дамытушы ортаның ролі», Г.Ширшикбаева және «Бөбек» МКҚК-і бөбекжай-бақшасының меңгерушісі Ж.Мейрбекова «Заманауи педагог моделі» бағытында тәжірибелерін ұсынды.
☑️Бөбекжай-балабақшасының музыка жетекшісі А.Лесова әсем әнін орындап, «МК-Аяулым» бөбекжай-бақшасына саяхат жасалып, тыныс-тіршілігі кеңінен таныстырылды.
Тәжірибе алаңында білікті мамандардың шебер сабақтары ұлттық құндылықтарға негізделіп, күнделікті өмірге баулуға тәрбиелеуге, сонымен қатар тәрбиеленушілердің танымдық, ойлау, сөйлеу, қимыл әрекеттерін жетілдіруге, олардың шығармашылығын дамытуға, белсенділіктері мен қызығушылықтарын арттыруға бағытталған. Балалар қыш құмыра жасап, құрақ көрпе құрады. Құмда ойнап, интерактивтік үстелде жұмыс жүргізді. Гамакта тербелу арқылы үшбұрыш, төртбұрыш, шеңбер секілді пішіндерді жинады. Балабақша жанынан құрылған «Әжелер мектебімен» бірге «Бесік жырын» айтты. Ұл балалармен «Бәйге» жарысы ұйымдастырылса, ал қыздар бауырсақ, талқан секілді ұлттық тағамдарды дайындауды үйренді.
Семинар соңында 8 облыстан келген педагогтер мен әдіскерлер арасында кері байланыс орнатылды. Тәжірибелеріне қажетті ақпараттар алғанын айтып, алғыстарын білдірді.
Айта кетелік, Түркістан қаласында «Заманауи ауылдық мектепке дейінгі ұйым: ізденістер мен нәтижелер» республикалық семинардың пленарлық отырысымен жалғасты. Жиында семинардың ұйымдастырудағы белсенділігі үшін «МК-Аяулым» ЖШС-і бөбекжай-бақшасы Қазақстан Республикасы Оқу-ағарту министрлігі «Балаларды ерте дамыту институты» РММ-нің грамотасымен марапатталды. Алдағы уақытта тәжірибе таратқан педагогтерге де марапаттары табысталатын болады.

Сайрам аудандық білім бөлімі.