Сайрам аудандық балалар кітапханасында «Бір ел – бір кітап» республикалық акциясы аясында белгілі драматург, жазушы, қоғам қайраткері –Төлен Әбдіковтың шығармаларын насихаттау мақсатында «Ақиқат жоқшысы» атты ақпараттық сағат ұйымдастырылды.
ТӨЛЕН ӘБДІКОВ – қазақ прозасында өзінің ерекше қолтаңбасы бар, қаламынан таным тамшылары мөлдіреген қабырғалы жазушы.
Жазушының қаламынан туған тұщымды дүниелер бүгінде ойлы оқырманның рухани олжасына айналғаны әмбеге аян. Оның «Оң қол», «Тозақ оттары жымыңдайды», «Өліара», «Парасат майданы» сияқты сүйе¬кті шығармалары халқымыз қашаннан қастер тұтар сөз өнерінің алтын сөресінен ойып тұрып өз орнын алды.
Ақпараттық сағат барысында Төлен Әбдіктің «Қонақтар» «Әке» «Қайырсыз жұма» «Бір күндік ашу» «Өліара» «Парасат майданы» «Оң қол» шығармалары талқыланды.
Шара барысында кітапханашы жазушының өмір жолымен таныстырып, шығармаларының жалпы мазмұнына тоқталды.
