«Таза Қазақстан» республикалық экологиялық акциясы аясында Сайрам ауданының барлық ауылдық округтерінде кезекті жалпыхалықтық сенбілік өтті. Іс-шараның мақсаты – қоршаған ортаның тазалығын сақтау, тұрғындардың экологиялық мәдениетін қалыптастыру, туған жерге деген жанашырлықты арттыру және қоғамдық жауапкершілікті нығайту.
Сенбілікке ауылдық округ әкімдіктерінің қызметкерлері, коммуналдық мекеме мамандары және ауыл тұрғындары белсенді қатысты. Бірлескен еңбек барысында жол жиектері, саябақтар, демалыс орындары, арық-атыздар тазартылып, рұқсат етілмеген орындарға жиналған тұрмыстық қалдықтар шығарылды.
Мұндай игі бастамалар елді мекендердің көркеюіне ғана емес, тұрғындардың бірлігі мен ынтымағын нығайтуға, қоғамдық белсенділікті арттыруға және туған өлкеге деген сүйіспеншілікті қалыптастыруға ықпал етеді. Ортақ іске жұмыла қатысу – әр азаматтың туған жер алдындағы жауапкершілігінің көрінісі.
Құрметті аудан тұрғындары! Туған өлкеміздің тазалығын сақтау – баршамызға ортақ міндет. Табиғатты аялап, қоршаған ортаны таза ұстауға және экологиялық мәдениетті қалыптастыруға бірге үлес қосайық. Бірлік және жауапкершілік – көркейген Сайрамның кепілі.
Әрбір тұрғынның тазалыққа қосқан үлесі ортақ игілікке және көркейген қоғамға қызмет етеді. Табиғатты қорғау мен қоғамдық тәртіпті сақтау бүгінгі ұрпақ пен келешек аманаты. Жауапкершілік пен ынтымақ арқылы ауданымыздың дамуына үлес қосайық. Әркім өз ауласы мен көшесінің тазалығына ұқыпты қараса, экологиялық мәдениет нығайып, қоғамдық бірлік артады, мұндай игі істер патриоттық сананы қалыптастырып, ортақ құндылықтарды дәріптей
Нұрғиса ТӨРЕМҰРАТОВ.
