Республикалық» Таза Қазақстан» экологиялық бағдарламасы аясында Түркістан облысы, Сайрам ауданы аумағындағы елді мекендерде тазалық жұмыстары жүргізілді.
Оған 10 мыңға жуық адам қатысты. Белсенді азаматтар, аудан тұрғындары мен мемлекеттік және бюджеттік ұйымдардың қызметкерлері атсалысқан тазалық науқанында көше бойларының, арық атыздардың, кәсіпорындардың, мемлекеттік мекемелердің аумақтары күл-қоқыстардан тазартылды.
«Бадам орман және жануарлар әлемін қорғау жөніндегі» мекемеден алынған 12650көшет ауылдық округтер аумағына егілді. Жұмыс барысында 25 техника жұмылдырылып, полигон аумағына 66 тонна тұрмыстық қатты қалдықтар тасымалданды.
Н. Тұрдымұратов.
