Мемлекеттік тілді білмейтіндерді азаматтыққа қабылдаудан бас тартуды көздейтін заң жобасы әзірленді. Премьер-Министр Әлихан Смайыловтың Мәжіліс депутаттарының сауалына берген жауабы осылай, деп жазады BAQ.KZ тілшісі.
Премьер-Министрдің айтуынша, аталған заңнамалық түзетулер Парламент депутаттары бастама жасаған «Қазақстан Республикасының кейбір заңнамалық актілеріне халықтың көші-қоны саласындағы заңнаманы жетілдіру мәселелері бойынша өзгерістер мен толықтырулар енгізу туралы» заң жобасы бойынша Парламент депутаттарының түзетулеріне, Үкімет қорытындысының жобасына енгізілді.
Қазіргі уақытта «Қазақстан Республикасының азаматтығы туралы» Заңға мемлекеттік тілді, тарих пен ұлттық заңнаманың негіздерін білмеуді азаматтыққа қабылдаудан және қалпына келтіруден бас тарту үшін қосымша негіз ретінде көздейтін, сондай-ақ қос азаматтығы фактілерінің алдын алуға бағытталған түзетулер әзірленді, – деді Үкімет басшысы.
Олжас АДАЙ.
Тіллің мәртебесін көтеретін заң қабылдануы тиіс