Қайнарбұлақ ауылдық округі №29 Тіленшина атындағы жалпы білім беретін мектепте Баян Тіленшина ақынның 75 жылдығына орай «Алтын жүрек – Ақбаян» атты ерекше кездесу кеші өтті. Бұл кеш – ақынның шығармашылығына деген құрмет пен сүйіспеншіліктің айқын көрінісі болды.
Шара барысында оқушылар Баян Тіленшина ақынның таңғажайып өлеңдерінен үзінділер оқып, оның терең мағыналы шығармаларын әнмен толықтырды. Ақынның өмірінен алынған көрініс көпшіліктің жүрегін тербеп, оның шығармашылығымен танысуға тамаша мүмкіндік сыйлады. Баян Тіленшина өз шығармаларында халықтың сезімін, өмірін шынайы әрі терең түрде бейнелей білетін азамат ретінде орны ерекше. Бұл кеш оқушылар мен жастарға тек ақынның шығармашылығын таныстырып қана қоймай, олардың жүрегінде туған жерге, Отанға деген сүйіспеншілікті оятуға, ел мен жердің қадірін түсінуге мол мүмкіндік берді. Баян Тіленшина ақынның өмірі мен шығармалары жастарға терең тәрбие мен тағылымды үлгі болып, олардың рухани әлемін байытатыны сөзсіз.
АЛТЫН ЖҮРЕК — АҚБАЯН
